Boksieri ukrainas Oleksandr Usyk, kampion bote në peshën e rëndë, është rikthyer në vendlindjen e tij, në Vorzel. Ai u largua në prill nga Ukraina për t’u përgatitur për revanshin ndaj Anthony Joshua, sfidë që e fitoi me vendim jo-unanim të gjyqtarëve.
Gjithsesi, ai mbrojti titujt kampionë bote. Rikthimi në shtëpinë e tij nuk ka qenë shumë i këndshëm, pasi Usyk e ka gjetur shtëpinë e tij thuajse të shkatërruar nga sulmet e ushtrisë ruse.
Postimet në rrjetet sociale nga bashkëshortja e boksierit, Katerina, tregojnë shtëpinë e çiftit ukrainas të dëmtuar nga rusët. Gjithsesi, ata shprehen të lumtur që janë sërish në shtëpinë e tyre, duke deklaruar se tashmë ajo është në duart e pronarit. Oborri i jashtëm duket krejtësisht i dëmtuar, pasi është përdorur si bazë nga ushtria, ndërkohë që në mure është shkruar gërma “Z”.
Oleksandr Usyk returning to his house (that was previously occupied and trashed by Russian soldiers while he was out of the country) and raising the Ukraine flag today… pic.twitter.com/wPzxVDWwt4
— Michael Benson (@MichaelBensonn) September 13, 2022
“Ushtria ruse ka ardhur në kopshtin e shtëpisë time dhe kanë shkatërruar gjithçka. Kafshët!”, – ka komentuar bashkëshortja e Usyk. Ndërkohë që, vetë boksieri, ka postuar më pas një foto në derën e jashtme të vilës së tij, me flamurin e Ukrainës.
