Eksperti i kriminalistikës, Ervin Karamuço ka reaguar në lidhje me ngjarjen e rëndë që ndodhi në Komisariatin e Policisë numër 3 në Tiranë, ku vdiq 32-vjeçari Lear Kurti pas shoqërimin nga patrulla.
Sipas tij, ngjarjet do të mund të zbardheshin menjëherë nëse efektivëve nuk do t’u ishin hequr kamerat e trupit.
“Uroj mos jemi përpara një ngjarje Rasha 2”, shkruan Karamuço, duke iu referuar vrasjes së të riut Klodian Rasha gjatë pandemisë nga një efektiv policie.
“Rregulli i artë për të cilët duhet bërë shumë punë trajnuese në vazhdim me policinë është që me prangosjen e personit mbaron forca e ligjshme e përshkallëzuar. Nga ai moment fillojnë të drejtat e njeriut”, thekson Karamuço, duke iu referuar pretendimeve se mbi të riun mund të jetë ushtruar dhunë.
Reagimi i plotë i Ervin Karamuço
Çështja është në hetim dhe është ende herët të dalim në konkluzione, por ka disa gjëra që ne i kemi ngritur shpesh dhe policia nuk na ka dëgjuar. Asistenca dhe mbikqyrja psikilogjike dhe e shëndetit emocional të policëve të terrenit është shumë urgjente me qëllim që ata të reagojnë në mënyrë të përgjegjshme sipas ligjit dhe procedurave standarde.
Ndihet emergjente rivendosja në funksion e minikamerave trupore operacionale të policisë së shtetit sepse do ndihmojnë shumë në hetimin dhe zbardhjen e ngjarjeve të tilla. Nuk ka ende një informacion se pse janë hequr minikamerat.
Rregulli i artë për të cilët duhet bërë shumë punë trajnuese në vazhdim me policinë është që me prangosjen e personit mbaron forca e ligjshme e përshkallëzuar. Nga ai moment fillojnë të drejtat e njeriut.
Uroj mos jemi përpara një ngjarje Rasha 2
VAZHDO TË LEXOSH MË TEPËR PËR TEMËN
Ekspertiza paraprake: Prej frikës Leari gëlltiti qesen me kokainë, ndërroi jetë nga overdoza
