Hakerat iranianë kanë publikuar sot të dhënat personale të ish-kreut të Shërbimit Informativ Shqipqtar (SHISH), Helidon Bendo.
Në rrjetin social Telegram, Homeland Justice publikuan të dhënat e Bendos sëbashku me një listë të të gjitha udhëtimeve të pretenduara jashtë vendit tonë.
Hyrjet dhe daljet e ish-kreut të SHISH janë të regjistruara me data dhe llojin e udhëtimeve.
Në dokumentet e publikuara, janë të dhënat personale, numri i kartës së identetit, numri i pasaportës biometrike dhe asaj diplomatike.
Gjithashtu hakerat kanë publikuar edhe fotot e Bendos ndër vite.
Helidon Bendo është dërguar në SHBA për specializim, teksa aktualisht në krye të SHISH është komanduar zëvendës drejtori, Oljan Kanushi.