Janë bërë të njohura kushtet e rikthimit të Cristiano Ronaldos në skuadrën e parë të Manchester Unitedit. Portugezi u gjobit dhe u pezullua, pasi nuk pranoi të inkuadrohej si zëvendësues në ndeshjen kundër Tottenham.
Sipas “The Athletic”, çështja e rikthimit të Ronaldo në skuadër do të vendoset pas një bisede me trajnerin, Erik ten Hag, i cili ndërmend të ndryshojë pozicionin e tij. Ai e sheh Cristianon si një nga opsionet për të forcuar skuadrën, por jo një lojtar që i garantohet një vend në formacionin bazë.
Trajneri dëshiron të dëgjojë se çfarë mendon 37-vjeçari për situatën dhe, nëse është gati të pranojë të mos jetë në formacionin titullar në çdo ndeshje. Më tej thuhet se, nëse Ronaldo pajtohet me kushte të tilla dhe kërkon falje për sjelljen e tij, ai do të mund kthehet në stërvitje me skuadrën e parë.
VAZHDO TË LEXOSH MË TEPËR PËR TEMËN
Neymar dhe Messi, paga sa gjysma e Mbappe
