Përgjigjet dhe kundërpërgjigjet vazhdojnë me fjalët e Antonio Cassanos, i cili kishte thënë për Napolin kampion të vitit 1987: “Ishte Maradona ai që fitoi, sepse lojtarët e tjerë ishin të arratisur”.
Alessandro Renica ka vendosur ta sulmojë fort “Fantantonio”, duke iu bashkuar listës së ish-ve që tashmë e kanë ngritur zërin e tyre. Përmes Facebook ka ardhur shpërthimi i ish-mbrojtësit ndaj Cassano:
“Me keqbesim je vetëm ti që nuk i njeh dhe i shpërfill njerëzit që gjykon. Ti kurrë nuk e ke parë të luajë atë ekip, ndaj nuk mund t’i njohësh as ish-lojtarët. Jo vetëm kaq, por ti do t’u imponosh marrëzitë tuaja si arrogant, mendjemadh dhe frikacak, siç je.
Sa i përket Diego Maradonës, sikur të të kishte dëgjuar të flasësh kështu, do të të kishte varur në mur. Ky është dallimi mes një njeriu të madh dhe askushit, gjykimet e të cilit vlejnë zero”.
VAZHDO TË LEXOSH MË TEPËR PËR TEMËN
“UEFA po fundos futbollin, Superliga në proces”
