Kryeministri i Kosovës, Albin Kurti, ka thënë të martën, se nuk do të ketë shtyrje të afatit për targat. Deklarata u bë pas Samitit të Ballkanin Perëndimor, që po mbahet në Prishtinë.
Emisari i SHBA-së për Ballkanin Perëndimor, Gabriel Escobar në vizitën e tij të fundit në Kosovë, ka kërkuar që afati për targat të shtyhet për 10 muaj, por kjo ka hasur në kundërshtim nga liderët vendorë. Kërkesë për shtyrje bëri edhe BE-ja.
Presidentja e Kosovës Vjosa Osmani, ka thënë se partnerët ndërkombëtarë duhet adresojnë presionin te Serbia, që është burim i tensioneve. Ajo ka thënë se çështja e targave mbi të gjitha është çështje sundimit të ligjit. Sipas saj, mbi 90 për qind e serbëve që jetojnë në Kosovë, tashmë i kanë konvertuar targat e së kaluarës për në targa të ligjshme.
Osmani ka thënë se bandat ilegale në veri nuk po lënë serbët të konvertojnë targat e veturave për në ato të Kosovës.Afati për ndërrim të targave ilegale serbe në ato RKS, duke i shfrytëzuar benefitet e ofruara nga Qeveria, përfundon më 31 tetor./ Koha.net
VAZHDO TË LEXOSH MË TEPËR PËR TEMËN
“Serbia merr donacione nga BE dhe militarizohet nga Rusia”
BE ‘hyn në lojë’ për zbutjen e tensioneve Kosovë-Serbi
