Presidenti i Serbisë, Aleksandar Vuçiç po ankohet gjithnjë e më shumë se presioni ndërkombëtar për marrëveshje me Kosovën po rritet mbi Serbinë.
Në një vizitë të tij në Leskovac, ku ndoqi një tubim partiak, ai ka thënë se Kosova është pjesë e Serbisë.
“Nuk kërkojmë diçka nga ndokush, duam të jemi vetvetja, dhe Kosova është pjesë e Serbisë. S’do t’ju lejojmë të na e merrni Kosovën”, ka deklaruar Vuçiç.
Në një adresim të tij para mbështetësve partiakë, ata i kanë brohoritur “Vule (Vuçiç), mos e jep Kosovën”.
Vuçiç ka thënë se gjuha e arsyeshme e Serbisë nuk do të thotë se është e dobët. Ai ka thënë se Serbia është shumë herë më e fuqishme se në vitet 1999 e 2012.
“Dua t’u tregoj diçka që ata e dinë shumë mirë – fakti që ne sillemi me përgjegjësi dhe flasim me seriozitet, nuk do të thotë se jemi të dobët. Sot, Serbia është shumë herë më e fuqishme në çdo aspekt se në vitin 1999 dhe 2012”, ka deklaruar ai.
Burrat serbë, Vuçiç i ka përshkruar si njerëz “që kur pinë pak raki, do të hynin në luftë me gjysmën e botës”.
VAZHDO TË LEXOSH MË TEPËR PËR TEMËN
‘Veriu është territor i Kosovës, nuk marr leje për ta vizituar’
‘Kosova, pengesa më e madhe për Serbinë në rrugën drejt BE-së’
