Panorama ka mësuar nga burime të sigurta se ditën e nesërme, të enjten e 27 tetorit finalizohet marrëveshja mes PD dhe Partisë së Lirisë për zgjedhjet lokale të vitit 2023.
Panorama mëson gjithashtu se PD dhe PL kanë vendosur dhe datën e protestës kombëtare.
Zgjedhjet lokale janë vendosur të mbahen më 14 maj 2023.
Kreu i PL, Ilir Meta pas takimit me Berishën të mërkurën në selinë blu e quajti të mbyllur marrëveshjen me ish kryeministrin dhe tha se i ka propozuar atij një emër për kryetar të këshillit bashkiak të Tiranës.
“I kam propozuar një emër Berishës për kryetar të parlamentit të Tiranës që ai e priti shumë mirë. Është super politikan. Çdo ditë të hënë do të ketë mbledhje live të këshillit bashkiak të Tiranës për të dëgjuar qytetarët”, tha Meta.