Ndeshja mes Anglisë dhe Iranit do të luhet të hënën e ardhshme, kur në Britaninë e Madhe do të jetë ora 13:00. Një sondazh tregon se një në tre britanikë mund të sëmuret në ditën e ndeshjes, një problem për punëdhënësit.
Ethet e Botërorit fillojnë të ndihen në Angli. Pas vendit të katërt në Rusi 2018 dhe finales së Kampionatit Europian, të humbur në shtëpi në 2021-shin me Italinë e Roberto Mancini-t, tifozët e Tre Luanëve presin me padurim fillimin e Kupës së Botës në Katar.
Të gjithë janë gati të këndojnë Three Lions (Futbolli po vjen në shtëpi) dhe Sëeet Caroline, ndoshta duke e shoqëruar ndeshjen me pak birrë, por ata duhet të përballen me një problem të konsiderueshëm: oraret e ndeshjeve.
Duke filluar nga ajo e ditës së parë të grupit B kundër Iranit: ndeshja do të luhet kur në Mbretërinë e Bashkuar do të jetë ora 1 pasdreke. Dhe duke pasur parasysh se ndeshja luhet të hënën, shumë… do të duhet të punojnë.
Një në tre gati për të sëmuren – Në të vërtetë, ata duhet ta bëjnë, sepse siç thotë “The Sun” në një sondazh, zbulon se një në tre anglezë mund të sëmuret në ditën e ndeshjes. Një problem i madh për kompanitë dhe punëdhënësit në përgjithësi, të cilët janë këshilluar të organizojnë pushime më të gjata në drekë ose orë fleksibël me punë të zgjuar kur kombëtarja e Southgate të dalë në fushë, për të shmangur një epidemi të vërtetë të certifikatave mjekësore.
Por sëmundja është gjithashtu një rrezik për punëtorin, siç shpjegohet nga një ekspert i standardeve të punës duke kujtuar rastin e Nina Farooq-it, e pushuar nga puna pasi u pa në Ëembley në vitin 2021 për të festuar fitoren në gjysmëfinale kundër Danimarkës, kur në teori ajo duhet të ishte në shtëpi e sëmurë…
Rreziku i shkarkimit – “Ne inkurajojmë punëdhënësit të organizojnë orar fleksibël, por nëse kjo nuk është e mundur, atëherë punëtorët duhet të marrin në konsideratë marrjen e një dite pushimi në vend që të shtiren si të sëmurë.
Nëse punëdhënësi mendon se punëtori po shtiret se është i sëmurë mund ta hetojë çështjen dhe të marrë masa disiplinore. Nëse një punëtor gënjen ose ekzagjeron një dëmtim ose një sëmundje për të mos qenë i detyruar të punojë kur në realitet është mirë, konfigurohet sjellja e keqe në punë, e cila në disa rrethana mund të justifikojë largimin nga puna nga punëdhënës”.
VAZHDO TË LEXOSH MË TEPËR PËR TEMËN
Ten Hag tremb Portugalinë: Ronaldo është sëmurë
