Shtetet e Bashkuara janë shprehur të zhgënjyera që liderët e Kosovës dhe Serbisë nuk arritën të bien dakord me Përfaqësuesin e Lartë të BE-së Borrell për zgjidhjen e krizës aktuale në Kosovë.
Zëdhënësi Ned Price thotë se DASH i bën thirrje Kurtit për të bashkëpunuar me Borrell dhe Lajçak për të arritur një kompromis të drejtë.
“Ne i bëjmë thirrje kryeministrit Kurti që të punojë me Përfaqësuesin e Lartë të BE-së Borrell dhe Përfaqësuesin Special të BE-së Lajçak për të arritur një kompromis të drejtë. Si kryeministri Kurti ashtu edhe presidenti Vuçiç do të duhet të bëjnë lëshime për të siguruar që ne të mos rrezikojmë paqen e fituar me dekada të vështira në një rajon tashmë të brishtë. Ne i bashkohemi BE-së për t’i bërë thirrje Kosovës që të pezullojë menjëherë çdo masë të planifikuar që do të përshkallëzonte tensionet, përfshirë vendosjen e gjobave të automjeteve.
Të dyja palët duhet të përmbahen nga ndërmarrja e hapave provokues, të përmbushin detyrimet e tyre sipas Dialogut të lehtësuar nga BE dhe të angazhohen në mënyrë konstruktive për të arritur një zgjidhje të qëndrueshme.”- thuhet në njoftim.
VAZHDO TË LEXOSH MË TEPËR PËR TEMËN
Stoltenberg i zhgënjyer: KFOR vazhdon të jetë vigjilent
