Serbia u mund 2-0 nga Brazili dhe doli me kokën ulur. Por një ngjarje e shëmtuar ndodhi në dhomat e zhveshjes së futbollistëve të përfaqësueses serbe, ku u shpalos një flamur me ngjyrat e shtetit serb, teksa në të ishte harta e Republikës së Kosovës.
Mbi të ishte shkruar “Nuk dorëzohemi”. E habitshme se si FIFA dhe autoritetet në Katar nuk lejojnë asnjë flamur me ngjyrat e ylberit, ndërkohë Serbia shfaq hapur flamurin me mesazh politik dhe nacionalist, që vetë organi qeverisës i ka ndaluar.
Disgraceful images from #Serbia locker room, displaying hateful, xenophobic and genocidal messages towards #Kosova, while exploiting #FIFAWorldCup platform.
We expect concrete actions from @FIFAcom considering that the @FFK_KS 🇽🇰 is a full FIFA and UEFA member. pic.twitter.com/xwu6i0j7dG
— Hajrulla Çeku (@HCeku) November 25, 2022
Ministri Kulturës, Rinisë dhe Sportit, Hajrulla Çeku, ka reaguar pas veprimit skandaloz të Serbisë në Kupën e Botës: “Pamje të turpshme nga zhveshtorja e Serbisë, duke shfaqur mesazhe urrejtjeje, ksenofobie dhe gjenocidale ndaj Kosovës, teksa shfrytëzojnë platformën e Kupës Botërore. Presim veprime konkrete nga FIFA duke marrë parasysh se FFK-ja është anëtar i plotë i FIFA-s dhe UEFA-s”.
