John Carew, ish-futbollisti i Romës, Valencia, Lyon, Aston Villa dhe i kombëtares norvegjeze është dënuar me 14 muaj burg, pasi u shpall fajtor për evazion fiskal.
Sulmuesi i “pensionuar” u zbulua në Gjykatën e Qarkut të Oslos se pa dashje kishte dështuar të zbulonte të ardhurat e tij dhe u dënua me më shumë se një vit burg, së bashku me një gjobë prej 540.000 korona norvegjeze (52.000 euro).
43-vjeçari shmangu një dënim më të gjatë pasi gjykata vendosi se ai nuk kishte vepruar qëllimisht. Nëse do të kishte shmangur qëllimisht pagesën e taksave, ai mund të përballej me një dënim prej më shumë se dy vitesh.
Ish-ndërkombëtari norvegjez u deklarua më parë fajtor për akuzat e mashtrimit të ngritura kundër tij nga autoritetet tatimore, megjithëse gjatë gjithë gjyqit u shpreh se nuk kishte kryer evazion fiskal të qëllimshëm. Avokati i tij mbrojtës, Berit Reiss-Andersen, pretendoi se gjyqi duhej të ishte trajtuar si një rast rrëfimi për shkak të pranimit të fajësisë:
“Gjykata ka arritur në përfundimin se ai ka vepruar në mënyrë të pakujdesshme, por jo me qëllim. Ne e kemi pretenduar këtë gjatë gjithë kohës dhe Careë ka qenë i qartë se nuk ka dashur të fshehë asgjë për t’iu shmangur pagimit të taksave”.
Careë luajti për Norvegjinë 91 herë, duke shënuar 24 gola. Ai i kaloi pesë vitet e fundit të karrierës në Angli, duke përfaqësuar Aston Villa, Stoke City dhe Ëest Ham United, përpara se të “pensionohej”.
