Presidentja e Kosovës Vjosa Osmani ka filluar procedurat për zëvendësimin e deputetëve serbë të dorëhequr.
Komisionit Qendror të Zgjedhjeve tash i kanë mbetur edhe katër ditë për t’i propozuar dhjetë kandidatë tjerë të Listës Serbe, për t’i zëvendësuar deputetët e dorëhequr.
Nëse Lista Serbe refuzon t’i zëvendësojë deputetët, atëherë me Ligjin për Zgjedhjet e Përgjithshme, KQZ i propozon Presidentes dhjetë kandidatë të tjerë nga komuniteti serbë.
Alternativë janë dy parti tjera serbe që garuan në zgjedhjet e fundit. Partia për Liri, Drejtësi dhe Mbijetesë me tre deputetë dhe Bashkimi Demokratik Serb me pesë deputet.
Edhe në rast se të tetët e pranojnë postin e deputetit, dy ulëse përsëri mbesin të zbrazëta, meqë kuota e përcaktuar për komunitetin serbë është dhjetë ulëse në Kuvendin e Kosovës.
Kësisoj, Presidentja e Kosovës, para se të marrë një vendim, duhet t’i drejtohet Gjykatës Kushtetuese për interpretim.
Por për njohësin e Kushtetutës, Mazllum Baraliun, vakuumi i krijuar me dorëheqjen e deputetëve serbë nuk e prish rendin e punës së Kuvendit.
I gjithë procesi i zëvendësimit të deputetëve të Listës Serbe mund të marrë kohë deri në mesin e dhjetorit, sipas afateve ligjore.
Dhjetë deputetët e Listës Serbe dhanë dorëzuan mandatin e tyre në shenjë revolte për mosshtyrjen e afatit për riregjistrimin e targave nga ilegale në RKS.
VAZHDO TË LEXOSH MË TEPËR PËR TEMËN
Lista Serbe dorëzon mandatet e deputetëve në Kuvend
