Britania e Madhe duket se është kthyer në “tokën e premtuar” të gjithë shqiptarëve, teksa emigrantët e paligjshëm që hyjnë në ishull rritet çdo ditë.
Kjo gjë është kthyer në një shqetësim të madh për britanikët, teksa shumë janë ata që kërkojnë kthimin mbrapsht dhe gjetjen e një zgjidhjeje, në mënyrë që t’i jepet fund pritjes së emigrantëve.
Tabloidi “The Sun” i ka kushtuar një artikull këtij problemi, ku ndër të tjera sugjeron se zgjidhje do të ishte kthimi mbrapsht i shqiptarëve drejt vendit tonë, në momentin që ata shkelin në tokën angleze.
“Ne i ushqejmë, i veshim dhe i strehojmë, edhe pse 1000 mbërrijnë brenda një dite, shumë pa pretendime legjitime për azil , por duke shpresuar të abuzojnë me ligjin tonë të meta të skllavërisë moderne”- thuhet ndër të tjera në artikull.
Teksa fajëson qeveritë për mënyrën se si e kanë trajtuar këtë problem, artikulli shton: “Le të fillojmë duke i kthyer të gjithë të rinjtë shqiptarë në Shqipërinë e qetë ditën që ata zbarkojnë në plazhet tona .”
Më tej në artikull fajësohen emigrantët dhe për rritjen e kriminalitetit në ishull, duke thënë se me shtimin e të huajve po ndodhin krime që janë parë vetëm në qytetet më të kriminalizuara të SHBA-ve.
VAZHDO TË LEXOSH MË TEPËR PËR TEMËN
Emigrantët e paligjshëm, problem për Mbretërinë e Bashkuar!
“La Manche do të vijojë të kalohet me gomone të paktën edhe në pesë vitet e ardhshme”
