Cristiano Ronaldo nuk ndalet, vijon me akuzat e tij, këtë herë duke folur me emra kontratë. Në intervistën e tij për “The Sun”, ylli portugez u ndal tek ish shokët e tij, Neville, Roy Keane dhe Ferdinand:
“Të shohësh se si ish kolegë dhe ish shokë skuadre të kritikojnë në këtë formë, vetëm nga një këndvështrim, të duket e lehtë. Është e lehtë për të kritikuar, por nuk e di nëse puna e tyre në TV i detyron të më kritikojnë, apo e bëjnë për t’u bërë të famshëm.
Me të vërtetë nuk e kuptoj. Mendoj se Neville po përfiton nga kjo situatë, ai nuk është budalla. Unë jam djali më i ndjekur në botë, nuk është një rastësi.
Roy Keane? Ai është kapiteni më i mirë, gjithmonë. Ai së bashku me Ferdinand janë djem të mirë, jo se flasin mirë për mua, por ata e dinë se çfarë është një dhomë zhveshje, ata janë lojtarë futbolli, dinë se si sillen, se si flasin”, u shpreh Ronaldo.
Në fund një koment në lidhje me pronarët e United, familjen Glazer: “Atyre nuk i intereson klubi, dua të them në aspektin shpirtëror. Man.United është një klub i madh, ata e shohin vetëm si marketing, për të bërë para, sporti për ta është në plan të dytë. Nuk kam folur kurrë më ta”.
VAZHDO TË LEXOSH MË TEPËR PËR TEMËN
Ronaldo mund t’i bashkohet Mourinhos
