Partia Demokratike ka përshëndetur marrëveshjet e firmosura një ditë më parë në Samitin e Berlinit për vendet e Ballkanit, duke shprehur plotësisht mbështetje për këtë proces.
Me anë të një deklaratë, Partia Demokratike thekson se vetëm një Ballkan i shteteve të barabarta është një rajon që ecën drejt Bashkimit Europian.
Këto arritje të procesit të Berlinit thekson PD kanë arkivuar përfundimisht projektin e “Ballkanit të Hapur”, mbështetur nga rusët dhe multimiliarderi George Soros.
“Këto arritje të procesit gjithëpërfshirës të Berlinit, arkivojnë përfundimisht në të shkuarën, projektin përçarës antishqiptar Serbo-Rus të “Ballkanit të Hapur” apo aleancës trilaterale Beograd – Tiranë – Shkup të serbomadhit Vuçiç të mbështetur fuqimisht nga rusët dhe multimiliarderi George Soros”, thuhet në reagim.
Deklaratë e Partisë Demokratike
Vetëm një Ballkan i shteteve të barabarta është një gadishull që shikon dhe ecën drejt të ardhmes!
Partia Demokratike përshëndet Samitin e djeshëm të Berlinit dhe rezultatet e tij.
Me marrëveshjet e firmosura për lëvizjen e lirë me letërnjoftime, njohjen e diplomave dhe njohjen e kualifikimeve për disa profesione Ballkani është bërë më i lirë, më i barabartë dhe më i drejtë.
Vetëm një Ballkan i shteteve të barabarta është një rajon që ecën drejt Bashkimit Europian drejt së ardhmes.
Në këtë kontekst, marrëveshjet e djeshme për lëvizjen e lirë me letërnjoftime, njohjen e diplomave si dhe kualifikimeve shkencore, janë akte me rëndësi që prekin direkt liritë e qytetarëve, bashkëpunimin midis shteteve dhe popujve të rajonit dhe përbëjnë një arritje thelbësore për qytetarët dhe anëtarët e pakicave kombëtare.
Këto arritje të procesit gjithëpërfshirës të Berlinit, arkivojnë përfundimisht në të shkuarën, projektin përçarës antishqiptar Serbo-Rus të “Ballkanit të Hapur” apo aleancës trilaterale Beograd – Tiranë – Shkup të serbomadhit Vuçiç të mbështetur fuqimisht nga rusët dhe multimiliarderi George Soros.
Partia Demokratike përshëndet rezultatin dhe suksesin e këtij Samiti dhe deklaron se mbetet e vendosur të mbështesë plotësisht procesin e Berlinit.
VAZHDO TË LEXOSH MË TEPËR PËR TEMËN
Ideja e “Mini-Shengenit Ballkanik” u hodh nga Angela Merkel
“Mbështesim Planin e Veprimit të Tregut të Përbashkët Rajonal”
Tri shtete bashkë kundër evazionit fiskal në rajon!
