Shefi i Misionit të OSBE-së në Kosovë, Michael Davenport, ka thënë se është i shqetësuar nga veprimet dhe deklaratat që “kërcënojnë” integritetin e Policisë së Kosovës dhe sistemin gjyqësor, që sipas tij, janë të rëndësishëm në “ruajtjen dhe forcimin e sundimit të ligjit në Kosovë, si dhe për mbrojtjen e interesave të komuniteteve joshumicë”.
Këtë deklaratë Davenport e bëri pas largimit të Listës Serbe nga institucionet e Kosovës për shkak të targave.
Ai u ka bërë thirrje të gjitha palëve që të mos lejojnë që mosmarrëveshjet për çështjet aktuale të kërcënojnë atë që është arritur në vitet e fundit.
“Unë bëj thirrje për angazhim politik proaktiv nga Prishtina dhe Beogradi me synimin për të arritur përparim drejt normalizimit të plotë të marrëdhënieve të tyre”, tha ai.
“Angazhimi më i fortë në Dialog është thelbësor për ruajtjen e interesave si dhe ruajtjen e interesave dhe sigurinë e të gjithëve”, tha Davenport.
