Publikohen pamjet e aksionit të policisë për arrestimin e autores së shpërthimit me bombë në Stamboll që i mori jetën 6 personave një ditë më parë.
Video e publikuar nga mediat e huaja, tregojnë momentin kur forcat speciale turke mësyjnë në banesën ku fshihej autorja, Ahlam Albashir.
Policia turke bëri të ditur më herët ditën e sotme se Albashir është shtetase siriane dhe se është trajnuar nga forcat e inteligjencës kurde.
Kjo ka bërë që Ministri i Brendshëm i Turqisë, Suleyman Soylu ka fajësuar kurdët për sulmin terrorist.
Autorja e dyshuar u kap falë kamerave të sigurisë që kanë filmuar momentin kur ajo në çantat me bombë në një stol në sheshin Taksim në Stamoll rreth orës 16:13 dhe largohet nga aty. Pak minuta më vonë u dëgjua shpërthimi i fuqishëm që i ka marrë jetën deri më tani 8 personave.
U kontrolluan 1200 kamera sigurie
Për kapjen e terroristes që u largua pasi “braktisi” çantat me bombë në stol në rrugën Istiklal, janë kontrolluar 1200 kamera sigurie, përfshirë rrugët që të çojnë për në vendngjarje dhe kthim nga vendi i ngjarjes.
Është konstatuar se gruaja është larguar nga vendi ku ndodhi shpërthimi me taksi dhe ka shkuar në Esenler. Policia ka shkuar në 21 adresa që janë konstatuar se kanë pasur kontakt me gruan.
Gjatë operacionit u kapën dhe u ndaluan 46 persona. Pas marrjes në pyetje të të dyshuarve u zbulua se gruaja që vendosi bombën ka shkuar në një adresë në Küçükçekmece. Policia ka shkuar në adresën e dhënë rreth orës 02:50 dhe ka arrestuar shtetasen siriane Ahlam Albashir.
Ajo ka deklaruar se ka marrë urdhra selia e organizatës PKK/PYD/YPG në Kobani të Sirisë dhe është shprehur se sulmin terrorist e ka kryer rreth orës 16.20 të ditës së djeshme dhe është larguar.
VAZHDO TË LEXOSH MË TEPËR PËR TEMËN
