“Të gatshëm të ndërhyjmë në Kosovë nëse rrezikohet stabiliteti”

Largimi i Listës Serbë nga institucionet në Kosovë, ka sjellë reagime të shumta. Së fundmi në një postim në Twitter, i dërguari i posaçëm i BE-së për dialogun Kosovë-Serbi, Miroslav Lajçak ka rishpërndarë qëndrimin e zv/Sekretarit të NATO-s, Mircea Geoana.

Ky i fundit i bëri thirrje dy shteteve që të tregojnë vetëpërmbajtje dhe të mos përshkallëzojnë më tej situatën, ndërsa shtoi se NATO është e gatshme të ndërhyjë nëse rrezikohet stabiliteti në Kosovë.

Reagimi i Lajçak:

Plotësisht dakord me zv/sekretarin e NATO-s, Mircea Geoana. Faleminderit për bashkëpunimin e shkëlqyer të Evropës dhe NATO’s, – si me lidershipin në nivelin më të lartë ashtu edhe KFOR’it në terren”.