Tifozët japonezë kanë treguar arsyet kryesore pse e pastrojnë gjithmonë vendin pas çdo ndeshjeje futbolli dhe jo vetëm. Ata në Kupën e Botës kanë marrë lëvdata nga shumë njerëz në mbarë botën për veprimet e tyre.
Nuk është hera e parë që tifozët japonezë janë duartrokitur për veprimet e tyre, pasi veprimin e njëjtë e kanë bërë edhe më herët. Ata kanë shpjeguar saktësisht pse zgjedhin të pastrojnë tribunat në fund të ndeshjeve.
“Zemra jonë është e pastër, kështu që tribunat duhet të jenë të pastra”, tha një tifoz për “Al Jazeera” pas fitores mahnitëse 2-1 të Japonisë ndaj Gjermanisë. Një tifoze shtoi: “Ajo që ne jemi mësuar është se lënia e gjërave më të pastra se mënyra se si i keni gjetur është ‘atarimae’ (shprehje e tyre që tregon të dukshmen). Dhe se ne duhet të shprehim gjithmonë mirënjohje”.
After an historic victory against Germany at the #FIFAWorldCup on Match Day 4, Japan fans cleaned up their rubbish in the stadium, whilst the @jfa_samuraiblue left their changing room at Khalifa International Stadium like this. Spotless.
Domo Arigato.👏🇯🇵 pic.twitter.com/NuAQ2xrwSI
— FIFA.com (@FIFAcom) November 23, 2022
Ndërsa një tifoz që mbante qese plastike blu për t’ua shpërndarë përkrahësve të tjerë shpjegoi: “Ne ua shpërndajmë këto çanta të gjithëve që ulen në ulëset e tifozëve të Japonisë. Të rregullojmë dhe pastrojmë kur largohemi është një manifestim i kulturës sonë”.
Dikush tjetër shtoi: “Kjo është për shkak se ne jemi mësuar nga prindërit tanë dhe nëpërmjet edukimit”. Shumë tifozë tjerë po befasohen kur po shohin tifozët japonezë duke pastruar vendin pas ndeshjes, gjë që befasoi Danno, i cili tha:
“Ajo që ju mendoni se është e veçantë, në fakt nuk është asgjë e pazakontë për ne. Kur përdorim tualetin, e pastrojmë vetë. Kur dalim nga një dhomë, sigurohemi që të jetë e rregullt. Ky është zakoni. Nuk mund të lëmë një vend pa e pastruar. Është një pjesë e edukimit tonë, mësimit të përditshëm”.
VAZHDO TË LEXOSH MË TEPËR PËR TEMËN
Hileja e FIFA-s, pse stadiumet nuk duken plot?
