Qeveria vendos të mos aplikojë as për nëntorin fashën prej 800 kilovatësh, e paralajmëruar që prej shtatorit nga kryeministri Edi Rama. Vendimi vjen tre ditë para protestës kombëtare të paralajmëruar nga opozita më 12 nëntor.
Kjo është hera e dytë që shtyhet rritja e çmimit të energjisë, sërish me arsyetimin e kursimit të saj nga konsumatorët shqiptarë dhe reshjet. Por teksa herën e parë u tha se fasha u shty për shkak të shirave bujarë dhe kursimit, tashmë qeveria deklaron se përveç kursimit, parashikimet e motit flasin për reshje në vijim si dhe ka rënie në çmimin e tregut ndërkombëtar të energjisë.
“Qeveria Shqiptare po mbron të gjithë abonentët familjarë dhe biznesin e vogël nga goditja e çmimit stratosferik të energjisë⚡️💡
Shifrat e kursimit të energjisë për muajin tetor janë domethënëse dhe na japin mundësinë që fashën prej 800 kilovatësh të mos e aplikojmë as për muajin nëntor, duke konsideruar gjithashtu parashikimet e motit me reshje në vijim, si edhe një rënie të caktuar në çmimin e tregut ndërkombëtar të energjisë😊
Vetëm duke qenë të bashkuar me të vërtetat e kësaj situate, ne mund dhe do ta përballojmë edhe këtë sfidë, ku THEMELOR MBETET KURSIMI🤝”, shkroi kryeministri Edi Rama.
Teksa ishte zëvendëskryeministrja njëherësh dhe ministrja e Infrastrukturës dhe Energjisë Belinda Balluku e cila njoftoi se qeveria nuk do ta aplikojë edhe gjatë muajit nëntor fashën e energjisë prej 800 kilovatësh.
“Qeveria shqiptare po mbron të gjithë abonentët familjarë dhe biznesin e vogël nga goditja e çmimit stratosferik të energjisë. Shifrat e kursimit të energjisë për muajin tetor janë domethënëse dhe na japin mundësinë që fashën prej 800 kilovatësh të mos e aplikojmë as për muajin nëntor, duke konsideruar gjithashtu parashikimet e motit me reshje në vijim, si edhe një rënie të caktuar në çmimin e tregut ndërkombëtar të energjisë”, tha ajo.
Sipas Ballukut, vetëm duke qenë të bashkuar me të vërtetat e kësaj situate mund dhe do të përballohet edhe kjo sfidë.
“Themelor mbetet kursimi. Të gjitha shifrat tregojnë se konsumi i energjisë është 7 % më pak”, deklaroi Balluku.
Balluku theksoi se Qeveria po shikon mundësinë e mbështetjes edhe për biznesin e madh i cili tashmë ndodhet në tregun e lirë, por që po has vështirësi për gjetjen e e sasisë së energjisë së nevojshme.
VAZHDO TË LEXOSH MË TEPËR PËR TEMËN
Kompanitë e energjisë druhen se do rritet mospagesa e faturave
Shqipëria, çmimet më të larta të energjisë në Rajon
