Pas humbjes me Kroacinë, trajneri Tite dha dorëheqjen nga Brazili dhe me njëherë shumë emra filluan të lakohen për të drejtuar pesë herë kampionët e botës.
Ndërsa së fundmi thuhet se Brazili dëshiron që legjenda e Francës, Zinedine Zidane, të zëvendësojë Titen si trajner, pasi dështoi të joshë Pep Guardiolën nga Manchester City. Sipas “Ok Diario”, Samba Boys do të përpiqen të tundojnë fituesin e trefishtë të Champions League me Real Madrid, Zidane, për të marrë drejtimin e Seleçao-s.
Brazili dështoi në negociatat me trajnerin e Manchester City, Guardiola, i cili nënshkroi një kontratë të re pak kohë më parë, që do ta mbajë atë në Etihad deri në verën e vitit 2025. Zidane po mbështetet nga ish-shoku i tij te Real Madrid dhe ikona e Brazilit, Ronaldo.
Could Zinedine Zidane become the fourth man to win the World Cup as a player and manager? 🇫🇷🇧🇷#Brazil #FIFAWorldCup #Qatar2022 pic.twitter.com/R7ZunesO1B
— DR Sports (@drsportsmedia) December 14, 2022
R9 ka një marrëdhënie të mirë me presidentin e Konfederatës Braziliane të Futbollit. Zidane kishte shpresuar të merrte drejtimin e Francës dhe tashmë thuhet se ka refuzuar gjashtë oferta, duke përfshirë edhe një me gjashtë shifra nga Paris SaintGermain për t’u rikthyer në menaxhim.
VAZHDO TË LEXOSH MË TEPËR PËR TEMËN
