“Dilema” dhe “Çohu” janë dy bashkëpunimet e Ronela Hajatit dhe Don Phenom që u publikuan njëri pas tjetrit tre vite më parë.
Ata rezultuan shumë të suksesshëm duke bërë që artistët të zhvillojnë koncerte brenda dhe jashtë vendit.
Mirëpo së fundmi i ftuar në “Glamour Zone”, reperi ka ndarë me shikuesit një “sekret” në lidhje me bashkëpunimet me Ronela Hajatin.
Don Phenom u shpreh se në fakt kanë qenë planifikuar 3 këngë me artisten, por njëra nuk u publikua kurrë pasi nuk i pëlqente.
Në këtë intervistë, reperi shkodran i pyetur nga moderatorja për ndonjë hatërmbetje me ndonjë artist ose artiste u shpreh:
“Me Ronelën kemi incizuar tre këngë, por pjesa jonë e menaxhimit dhe unë nuk pranuam ta publikonim atë këngë sepse nuk na ka pëlqyer. Por nuk pati qejfmbetje, është mirëkuptuar kjo gjë.”
I ftuar në “Glamour Zone” Don Phenom foli edhe për të kaluarën e tij. Reperi është rritur në Bronx, New York dhe në këtë dalje televizive ka rrëfyer disa gabime të të kaluarës së tij.
“Kur kam qenë pak më i vogël, kam bërë disa sherre që do më kishin marrë në qafë, do isha brenda po të më kishin kapur. Shyqyr Zotit, e kam kaluar atë pjesë dhe jam fokusuar në muzikë dhe karrierë.”
VAZHDO TË LEXOSH MË TEPËR PËR TEMËN
