Lufta midis Rusisë dhe Ukrainës vazhdon me humbje të mëdha për të dy ushtritë dhe dëme të mëdha.
Edhe komuniteti ndërkombëtar është plotësisht i vetëdijshëm për faktin se konflikti është i destinuar të vazhdojë edhe për një kohë të gjatë.
Sipas kreut të diplomacisë së Kievit, ministrit të jashtëm ukrainas, Dmytro Kuleba, këtë e dëshmojnë përafërsisht “njëqind raketat e lëshuara çdo javë për të shkatërruar infrastrukturën” përveç ushtarëve rusë “që vazhdojnë të mbërrijnë në Donbas dhe dhuna kundër popullit ukrainas. Veprime që nuk kryhen kur kërkohet një “zgjidhje paqësore”. Pra do të vijë dita e negociatave por “për keqardhjen tonë të madhe”, vazhdon Kuleba, “nuk jemi ende aty”.
Ndërkohë, Ukraina është goditur nga një sulm natën nga dronët iranianë: siç raportohet nga komanda e forcave ajrore në Kiev, nga 15 avionët pa pilot, dhjetë u rrëzuan nga mbrojtja kundërajrore.
Ata ishin të vendosur mbi rajonet Kherson, Mykolaiv dhe Odessa. Në veçanti, sipas Komandës Operacionale Ushtarake Jug “objektet e infrastrukturës energjetike në rajonin e Odessa janë vënë në shënjestër, duke shkaktuar shkatërrime të konsiderueshme dhe duke lënë mijëra konsumatorë pa energji elektrike”.
Sipas zëdhënësit të administratës së Odessa, Sergiy Bratchuk, dy drone u rrëzuan në zonë, por objektivi u godit dhe shërbimet e shpëtimit janë ende në vazhdim. Përveç dy dronëve të rrëzuar në Odessa, katër u goditën në Kherson dhe 4 në Mykolaiv.
Gjithashtu dje forcat ukrainase kanë sulmuar një kazermë në qytetin e pushtuar nga Rusia, Melitopol. Si pasojë dhjetëra rus kanë mbetur të vrarë. Sipas dëshmitarëve u dëgjuan 10 shpërthime, megjithëse disa prej tyre mund të kenë qenë nga sistemet ruse kundërajrore.
Jo vetëm kaq por, më shumë se 170 predha, përfshirë raketat Grad, u hodhën dje nga trupat ukrainase në disa qytete në Republikën e vetëshpallur Popullore të Donetsk. Informacioni u dha nga autoritet pro-ruse të cilat thanë se: ‘Gjatë ditës, armiku ka bombarduar lagjet e banuara të vendbanimeve të republikës. Donetsk, Gorlovka dhe Yasinovataya kanë pësuar nga bombardimet”, shkruajnë prorusët në Telegram. Sipas kryebashkiakut të Donetsk, Alexey Kulemzin, Kievi bombardoi tregun Mayak të qytetit që shkaktoi një zjarr. Banorët vendas po denoncojnë pasojat e bombardimeve barbare të lagjes Kievsky të qytetit.
Po ashtu dhe forcat ukrainase të cilat ishin vendosur në një hotel kanë goditur një seli të grupit mercenar rus Wagner në Ukrainën lindore. Kjo goditje është një humbje e madhe për rusët.“Wagner” janë mercenarë të sponsorizuar nga shteti që veprojnë në interes të Kremlinit, sipas ekspertëve perëndimorë.
Kompania private ushtarake, e krijuar nga Yevgeny Prigozhin, një bashkëpunëtor i ngushtë i presidentit rus Vladimir Putin, është akuzuar vazhdimisht për krime lufte dhe shkelje të të drejtave të njeriut. Njësitë Wagner janë vendosur më parë në Krime, Siri, Libi, Mali dhe Republikën e Afrikës Qendrore.
Nisur me këto zhvillime dhe një paralajmërim më të gjatë të luftës, Perëndimi ka frikë se lufta mund të përshkallëzohet.
Mbështetja e SHBA për Ukrainën ka qenë e pandërprerë që nga shkurti. Mbështetje në disa nivele: në vitet e kaluara politike dhe stërvitore, tani që nga fillimi i pushtimit edhe me furnizim me armë dhe me operacionin e inteligjencës. Ndihmë konkrete dhe e plotë, të cilën, megjithatë, Shtëpia e Bardhë dhe administrata Biden e kanë përcaktuar shpesh si “jo një çek bosh”.
Në këtë pikë, vëzhguesit pothuajse gjithmonë kanë rënë dakord për faktin se koncepti i shprehur nga Joe Biden dhe sekretarët është i qartë: Uashingtoni dëshiron të ketë një kufi për përdorimin e ndihmës amerikane.
Një mënyrë për të shmangur përhapjen e konfliktit në Rusi me armë perëndimore, por edhe për të qetësuar opinionin e brendshëm publik se nuk do të ketë një “luftë të pafund” të modelit kaq të urryer nga klasa e mesme amerikane. Bastisjet e fundit ukrainase janë shenja që sipas shumë analistëve, Shtetet e Bashkuara nuk i pëlqejnë veçanërisht ato, pikërisht sepse rrezikojnë të afrojnë skenarin e frikësuar nga Biden dhe Pentagoni.
VAZHDO TË LEXOSH MË TEPËR PËR TEMËN
“Putin duhet të detyrohet të zgjedhë ose rrogat, ose luftën”
“Lufta në Ukrainë mund të përfundojë në tryezën e bisedimeve”
