Një numër thesaresh të shekullit të 18-të të vjedhura nga një muze i Dresdenit gjatë një grabitjeje prej 113 milionë eurosh në vitin 2019 u rigjet nga policia gjermane.
Autoritetet kthyen 31 objekte në muzeun Green Vault gjatë natës në Berlin.
Sendet me vlerë thuhet se u gjetën pas bisedimeve me avokatët e gjashtë burrave që aktualisht po gjykohen për vjedhjen.
Hajdutët vodhën thesaret nga një pjesë e një koleksioni të krijuar në 1723 nga sundimtari i Saksonisë, Augustus i Forti. Ato më pas u vendosën në kasafortë, deri në grabitjen e vitit 2019.
Zyrtarët gjermanë besojnë se grabitja ishte e planifikuar mirë dhe e kryer në mënyrë profesionale. Para se të hynin në muze, hajdutët i vunë flakën një paneli elektrik, duke zhytur në errësirë rrugët përreth muzeut.
Disa persona të maskuar më pas hynë në galeri, përpara se të thyenin një vitrinë xhami me sëpatë dhe të merrnin bizhuteritë me spango peshkimi.
Më pas ata u arratisën me një makinë Audi, të cilën policia e gjeti më vonë në flakë në një parking nëntokësor. I gjithë operacioni besohet se ka zgjatur më pak se 10 minuta.
Artikujt e kthyer tani do të ekzaminohen nga specialistë për të konfirmuar origjinalitetin e pjesëve.
