Mijëra policë kanë zbritur në Paris në gatishmëri që të shpërthejë “lufta civile” gjatë ndeshjes gjysmëfinale të Kupës së Botës sonte mes Francës dhe Marokut. Pas thirrjeve të dëshpëruara nga zyrtarët, 10 mijë policë francezë janë mobilizuar në të gjithë vendin, përfshirë 5,000 në Paris.
Banorët e shqetësuar dhe pronarët e dyqaneve në Paris janë në ankth për atë që mund të ndodhë mbrëmjen e sotme. Jeanne d’Hauteserre, kryetarja lokale përgjegjëse për distriktin parisien, kërkoi që rruga e famshme botërore të mbyllej gjatë ndeshjes së futbollit.
Ajo kishte frikë se Champs-Elysees mund të shihte një “luftë civile” të fillojë pas ndeshjes. Ajo tha për CNeës franceze: “Kur doni të festoni fitoren, nuk vini me mortaja. Por këta njerëz në të vërtetë po vijnë vetëm për të shkatërruar me shufra hekuri.
Për të mërkurën, të gjithë kanë frikë nga një luftë, një luftë guerile, një luftë civile dhe ne nuk duam që Champs-Elysees të shndërrohet në një fushë beteje”.
Pas fitores mahnitëse të Marokut ndaj Portugalisë javën e kaluar, më shumë se 20 mijë tifozë të mbushur me adrenalinë vërshuan në rrugë dhe shkaktuan kaos. Përleshje sporadike shpërthyen mes huliganëve dhe policisë të cilët hodhën gaz lotsjellës dhe sulmuan disa herë trumën.
U dëmtuan disa dyqane, u dogjën makina dhe pati 100 të arrestuar. Me miliona njerëz që priten ta shikojnë ndeshjen e sotme nga ekranet televizive, policia franceze tha se po përgatitej për një natë të vështirë. Duke folur për CNeës, kapiteni i xhandarmërisë Herve Moreau tha:
“Të mërkurën, gjërat do të shkojnë keq me siguri. Çfarëdo që të thonë njerëzit, mund t’ju siguroj se do të ketë përleshje dhe trazira”, ka qenë paralajmërimi ogurzi.
VAZHDO TË LEXOSH MË TEPËR PËR TEMËN
