Presidenti i Republikës së Shqipërisë, Bajram Begaj, ka reaguar lidhur me sulmin me grusht ndaj kryedemokratit Sali Berisha, gjatë kohës që ai ishte në protest.
Përmes një reagimi, Begaj e ka dënuar ashpër sulmin, duke inkurajuar organet ligjzbatuese për një hetim të plotë dhe zbardhjen e dinamikës së ngjarjes.
Reagimi i Begajt:
Presidenti i Republikës së Shqipërisë, Sh. T. Z. Bajram Begaj, dënon sulmin fizik ndaj z. Sali Berisha.
Presidenti i Republikës së Shqipërisë, Sh. T. Z. Bajram Begaj, dënon ashpër sulmin fizik të ndodhur gjatë protestës së sotme të opozitës ndaj z. Sali Berisha, Deputet i Kuvendit, ish-President dhe ish-Kryeministër i Republikës.
Presidenti Begaj i konsideron këto akte të papranueshme dhe që bien ndesh me parimet e demokracisë dhe zhvillimin e protestave paqësore.
Kreu i Shtetit inkurajon autoritetet të hetojnë këtë rast dhune dhe të zbardhin sa më shpejt dinamikat e ngjarjes.
Liria e fjalës dhe tubimeve paqësore janë e drejtë kushtetuese dhe si të tilla duhet të garantohen dhe mbrohen.
VAZHDO TË LEXOSH MË TEPËR PËR TEMËN
Sulmi ndaj Berishës, reagon Basha
Topalli: Dhuna ndaj kryetarit të opozitës, pa burrni
Berisha pasi u godit me grusht: Gjithçka e përgatitur
