Teuta duket se ka gjetur përsëri çelësin e suksesit, duke regjistruar fitoren e dytë radhazi, së fundmi duke mposhtur 1-0 Tiranën në “Niko Dovana”.
Ndryshe nga një sezon më parë, kthimi i Edi Martinit në stolin e durrsakëve në një moment krize ka qenë mëse i suksesshëm pasi janë marrë 6 pikë radhazi në kampionat duke larguar përkohësisht durrsakët nga vendi i fundit në renditje.
Ndeshja ndaj bardhebluve ishte shumë e luftuar sidomos në mesfushë, por me skuadrat që kishin të vështirë të krijonin shumë raste të pastra për shënim. Teuta ia doli me një goditje dënimi në pjesën e parë por pa t’i anulohej goli pas ndërhyrjes së VAR-it.
Megjithatë, rrjeta do të tundej në pjesën e dytë po pas një goditje dënimi, me Markun që përfitoi nga një devijim për të mposhtur Beqajn. Tentativat e Tiranës për të shënuar golin e barazimit nuk ishin efikase në këtë sfidë dhe kështu bardheblutë u desh të dorëzoheshin në Durrës, duke mos shkuar në formën më të mirë të mundshme në derbin me Partizanin.
VAZHDO TË LEXOSH MË TEPËR PËR TEMËN
Vllaznia nuk është për titull, mposhtet edhe nga Kastrioti
