“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Çfarë duhet të dimë kur marrim sheqerna në dietë?
Mjeku: Kini kujdes: Ka dallim të madh ndërmjet sheqernave të shtuara kundrejt sheqernave natyralë.
Eshtë shumë e rëndësishme të bëhet dallimi midis sheqernave të shtuar dhe sheqernave që ndodhin natyrshëm në ushqime si frutat dhe perimet. Këto ushqime përmbajnë ujë, fibra dhe mikronutrientë të ndryshëm. Sheqernat natyralë janë absolutisht të mirë, por e njëjta gjë nuk vlen për sheqerin e shtuar.
Sheqeri i shtuar është përbërësi kryesor në karamele, kek, akullore etj, dhe i bollshëm në shumë ushqime të përpunuara, të tilla si pije të buta dhe produkte të pjekura.
Sheqernat më të zakonshëm të shtuara janë sheqeri i zakonshëm i tryezës (saharoza) dhe shurupi i misrit me fruktozë të lartë. Për të humbur peshë dhe për të optimizuar shëndetin tuaj, bëni çmos që të shmangni ushqimet që përmbajnë sheqerna të shtuar. Gjithashtu, mbani mend se sheqernat e shtuar mund të përfshijnë edhe sheqerna natyralë. Për shembull, nëse shtoni mjaltë në kos, kosi juaj përmban sheqer të shtuar nga një burim natyral.
Si përfundim, sheqeri që i shtohet ushqimeve të përpunuara është shumë më i dëmshëm për shëndetin tuaj sesa sheqeri natyral në ushqime të plota si frutat dhe perimet.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
5 ushqimet më të mira për mëngjes
A e ul aktivieti fizik rrezikun e kancerit të gjirit?
