Ibrahim Kalın, zëdhënësi i presidentit turk Rexhep Tajip Erdogan, ka lëshuar kërcënime të reja ndaj Greqisë, shkruajnë sot mediat greke.
Sipas tij, në rast se Greqia do të zgjerojë kufijtë e saj detarë në 12 milje siç e lejon ligji ndërkombëtar, edhe në Kretë, do të ketë “pasoja të rënda”.
“Ne do të rezistojmë ashpër, nuk do ta pranojmë”, raportohet të ketë thënë ai, sipas Protothema.
Kur u pyet nga një gazetar se cila do të ishte përgjigja e Turqisë nëse Greqia zgjeronte ujërat e saj territoriale në Kretë, Kalın u përgjigj:
“Kohët e fundit, Ministri i Jashtëm tha gjithashtu se çdo zgjatim prej më shumë se 6 miljesh, jo më 12 miljesh, do të përballet me kundërshtime dhe rezistencë të ashpër nga Turqia.
Ta bëjmë të qartë. 12 milje jo e jo, por nuk mund të pranohet as 6, 7, 8 dhe 9 milje. Dhe kjo do të ketë pasoja të rënda për Greqinë. Ne presim dhe shpresojmë që ata të mos përdorin rrugë të tilla. Nëse ndërmarrin hapa në këtë drejtim nuk do t’i lëmë kurrë pa përgjigje”, tha ai.
VAZHDO TË LEXOSH MË TEPËR PËR TEMËN
Pse u tensionuan marrëdhëniet mes Macron e Erdogan?
Erdogan: Nuk dorëzohemi para gjuhës së kërcënimeve
“Do e pësosh, si shmangesh dot ndëshkimit”
