Deputetja e Partisë së Lirisë, Monika Kryemadhi foli për skemën sesi zbuloi skandalin e mbetjeve në Tiranë. Ajo u shpreh se në landfillin e Sharrës, mbetjet nuk trajtohen apo të kthehen në burim.
Kryemadhi tha në një intervistë për “Syri Tv” se nga survjetimi 180 ditor me dron, rezulton se në Sharrë mbetjet groposen me dhe.
“Rama i ftoi shqiptarët që të shkojnë dhe të bëjnë një shëtitje në Sharrë që të shohin inceneratorin. Ne shkuam. Aty pamë që pirgjet me plehra nuk diferencoheshin, nuk përpunoheshin, nuk ktheheshin në burim siç thotë kryeministri. Kjo shishe uji nëse hidhet në plehra nuk i rikthehet konsumatorit. Vendosëm ta mbajmë nën survejim prej një kohe të gjatë. Vetëm nga bashkia e Tiranës janë paguar 54 mln euro.
E survejuam për 180 ditë. Kryeministri ka thënë se përgjegjësia është personale. Këtu tashmë është kolektive,nuk është më personale. Kemi bërë padi juridike, kemi bërë denoncim për evazionin fiskal. Këtu nuk është më individuale. I gjithë procesi është në flagrancë. Ai është një landfill që mbushet për 30 vite, por është mbushur për 9 muaj”, u shpreh Kryemadhi.
VAZHDO TË LEXOSH MË TEPËR PËR TEMËN
