Mesfusha ka qenë gjatë gjithë kësaj periudhe pozitive rezultatesh, pika e fortë e Interit dhe jo më kot në klasifikimin e bërë nga “Transfermaket” mbi mesfushorët më të shtrenjtë të këtij sezoni në Itali, tre prej tyre janë zikaltër.
Nikolo Barela, kartoni i të cilit vlerësohet me 70 milionë euro, është mesfushori më i shtrenjtë, ndërkohë që podiumi plotësohet nga laciali Milinkoviç-Saviç (60 milionë euro) dhe kuqeziu Sandro Tonali (50 milionë euro).
Milani shikon në këtë klasifikim edhe Benaserin si i katërti më i shtrenjtë (40 milionë euro), i pasuar nga “Axurri” Anguisa e juventini Pogba.
35 milionë euro sa ç’është vlera e francezit, janë edhe ato të Brozoviçit e Çalhanoglusë, pas të cilëve për të mbyllur 10-shen renditen Lobotka e Kupmainers.
