Monza shton presionin, Gasperini e “saldon” në stol

Rikuperimi i Berat Gjimshitit pas dëmtimit të pësuar në shpatull shihej si një bekim për trajnerin Gasperini, i cili nxitoi duke e aktivizuar si titullar përpara fundit të vitit, por çuditërisht, tekniku italian nuk e preferoi për asnjë minutë në sfidën e fundit, atë kundër Spezias.

Sipas mediave italiane, ky vendim i Gasperinit, nuk ka të bëj me gjendjen fizike të qendërmbrojtësit kuqezi, por më zërat që e lidhin për një transferim të mundshëm tek ekipi i Monza-s.

Adriano Galliani duket i fiksuar pas idesë për të pasur Gjimshitin në skuadër, për këtë arsye ka shtuar edhe më shumë presionin. Gjithnjë sipas mediave italiane, nuk është ende e qartë formula e transferimit, në formë huazimi me të drejtë blerje apo me titullin definitiv.