“My Space” kushtuar të rinjve

Së shpejti Galeria e Artit Tiranë do të hapë një ekspozitë dedikuar të rinjve.

GAT ftoi paraprakisht të gjithë artistët e rinj, nga mosha 16-28 vjeç, të aplikonin për t’u bërë pjesë e ekspozitës “My Space”.

Sot është dita e fundit kur mund të kryhen ende aplikime.

Ekspozita “My Space” do të çelet në GAT në fillim të muajit shkurt.

Kjo ekspozitë është konceptuar në një mënyrë të tillë që t’u japë mundësinë artistëve të rinj të menaxhojnë dhe kurojnë, sipas dëshirës së tyre, hapësirën gjeografike që do u vendoset në dispozicion në sallat e galerisë.

Edhe përgjatë ditës së sotme artistët mund të dërgojnë CV-në e tyre, së bashku me disa kopje elektronike të punimeve të përzgjedhura për ekspozim.