Ndërron jetë Nuri Bylyku, ish-futbollist, kapiten, trajner dhe drejtues i FK. Tiranës.
Mësohet se Bylyku ka ndërruar jetë në moshën 85-vjeçare.
Ndërkohë, në ndër të tij do të mbahen homazhe nga ora 11:0-12:00 ambientet e stadiumit ‘Selman Stermasi’, ndërsa më pas trupi i tij do të përcillet për në banesën e fundit, në varrezat e Sharrës.
Armand Duka, presidenti i FSHF-së shprehu vlerësimin e tij për Bylykun:
I trishtuar për ndarjen nga jeta të një figure të madhe të futbollit shqiptar siç ishte Nuri Bylyku! Mesfushori i shquar mbahet mend nga të gjithë futbolldashësit si një lojtar energjik e luftarak, që drejtoi Tiranën në fushë si kapiten drejt fitimit të disa titujve kampion në vitet 1960-1970. Pas karrierës në futbollin e luajtur Bylyku nuk u shkëput për asnjë çast nga sporti magjik, duke dhënë kontributin e tij si trajner apo në rolet drejtuese në klubin kryeqytetas për vite me radhë.
Familja sot është në zi, pasi ka humbur një personalitet me shumë vlera, një ikonë, që shkroi historinë me klubin bardheblu dhe i dha gjithçka futbollit gjatë gjithë jetës së tij.
Në emër edhe të komunitetit të futbollit, dua t’i shpreh ngushëllimet më të thella familjes Bylyku, të afërmve dhe miqve të tij. Kujtimi i tij do të mbetet i paharrueshëm!
