Fatmira Mustafaj, nëna e Laer Kurtit që ndërroi jetë në komisariatin nr3 në Tiranë, ka folur sot pas zbardhjes së raportit nga Avokati i Popullit, në të cilin thuhej se Policia nuk ka ndërhyrë në kohë për të shmangur ngjarjen e rëndë.
Mes lotësh ajo është shprehur për “News 24” se djali i saj nuk kishte probleme shëndetësore dhe se “iku në duart e Policisë”. Për humbjen e djalit, ajo bën përgjegjës efektivët që kapën Learin, ndërsa bën thirrjë shtetit që të dalë e drejta.
“Djali im nuk ka pasur probleme shëndetësore, por edhe sikur i duhej dhënë ndihma e shpejtë. Dua të më qetësohet shpirti dhe të dalë e drejta. Djali i m ka ikur nga duart e atyre. Iku nga dhuna. Nuk di.
Djali im ishte si gjithë të tjerët, nuk ishte në atë gjendje që të përfundonte ashtu, por thjeshtë nuk i është dhënë ndihma e parë. Fatkeqësisht unë nuk besoj dhe jam shumë e zhgënjyer këtë shtet sepse vë në faj personat që ikin nga kjo jetë. Nga aq sa pash nga rrethanat si iku, vë në faj efektivët që kapën djalin tim”, u shpreh Fatmira Mustafaj.
VAZHDO TË LEXOSH MË TEPËR PËR TEMËN
“Nuk jam përgjigjur për vdekjen e Lear Kurtit sepse kam qenë në SHBA”
