MENU
klinika

Aksion edhe në Pogradec e Korçë

Policia çinstalon 31 kamera nëpër pemë e shtylla

27.01.2023 - 10:57

Në bazë të urdhrit nga Drejtoria e Përgjithshme e Policisë për kontrollet e kamerave, të cilat janë vendosur në mënyrë të jashtëligjshme, edhe drejtoria vendore e Policisë së Korçës është duke identifikuar rastet e shkeljes.

Gazetarja Daniela Zisi raporton se deri në këto momente janë hequr 31 kamera në qytetin e Korçës dhe atë të Pogradecit. Kontrollet do të vijojnë edhe në qytetet e tjera të juglindjes dhe nëpër fshatra.

Policia e Shtetit ka nisur verifikimin e kamerave të sigurisë që dyshohet se janë instaluar dhe përdoren nga grupet kriminale. Ky operacion është shtrirë edhe në Vlorë.

Aksioni vjen pasi në Shkodër u sekuestruan disa kamera ë dyshohet se ishin instaluar nga grupet kriminale në lagjet “Guerrile”, “Salo Halili” dhe “Kongresi i Përmetit”.

Për gjetjen e personave që i kishin vendosur ato në këto zona, në polici janë shoqëruar disa persona, por dëshmitë e tyre nuk kanë ndihmuar hetuesit. Identifikimi i personave të cilët kanë vendosur këto kamera është një mision tejet i vështirë për policinë, pasi komandimi i tyre bëhej përmes celularit.

Sipas uniformave blu qëllim i instalimit të këtyre kamerave ishte sigurimi i informacioneve për qëllime kriminale, si dhe për të monitoruar lëvizjet e Policisë.

VAZHDO TË LEXOSH MË TEPËR PËR TEMËN


Grupet kriminale vëzhgonin rivalët dhe Policinë

Çmontohen 38 kamera të tjera ‘spiune’


'Shuajnë’ vapën në ujërat e liqenit

Turistët ‘pushtojnë’ Pogradecin

Rama publikon pamjet e plazhit ranor

Tushemishti, gati për sezonin veror!

Bënte ‘biznes’ me kalimin e mallrave kontrabandë

Arrestohet një punonjës policie në Qafë-Botë