Mediat britanike vijojnë të botojnë artikuj kundër shqiptarëve për shkak të numrit të lartë të emigrantëve ilegalë që kanë hyrë gjatë vitit që shkoi në Britani, duke sjellë “përplasje” mes dy vendeve.
Së fundmi, “The Irish Sun” shkruan se shumë nga emigrantët që hynë në Britani janë “vrasës, terroristë dhe përdhunues”, ndërsa jep rastin e një shqiptari që ka vrarë gruan e tij por sërish kërkon azil në vend pasi ka frikën e gjakmarrjes.
“The Irish Sun” shkruan se shqiptari fliste për të shkuarën e tij kriminale me mburrje”.
Artikulli i plotë:
Qindra emigrantë që hynë fshehurazi në Britani me varka të vogla janë kriminelë të shkallës së lartë duke përfshirë vrasës, terroristë dhe përdhunues, shkruan “The Irish Sun”.
Tregtarët e drogës, gangsterët, mashtruesit janë gjithashtu në mesin e dhjetëra mijërave që kanë kaluar Kanalin, shumë prej tyre jetojnë në shtëpi të financuara nga taksapaguesit britanikë dhe marrin para në dorë ndërsa punojnë ilegalisht.
Shumica dërrmuese e njerëzve që mbërrijnë me anije nuk kanë precedentë penalë. Por në një rast befasues, një shqiptar që vrau gruan e tij nuk mund të dërgohet në shtëpi për arsye të të drejtave të njeriut mes frikës se familja e viktimës do ta ndjekë dhe do ta vrasë.
Ai tani drejton një lavazh makinash ku pagesat kryhen me para në dorë pranë një supermarketi në Northamptonshire ndërsa kërkon përfitime dhe azil përmes gjykatave me ndihmën ligjore të financuar nga taksapaguesit britanikë.
Vrasësi i gruas shqiptare kreu dhjetë vjet burg për vrasje. Pas lirimit të tij, ai udhëtoi nëpër Evropë, në Francë dhe pagoi kontrabandistët që ta çonin në Britani me një gomone.
Kur zbriti në Dover, ai menjëherë kërkoi azil. Kjo u refuzua kur autoritetet zbuluan të kaluarën e tij kriminale nga shenjat në gjurmët e gishtave.
Por vrasësi tashmë ishte liruar në komunitet, dhe më pas ai u zhduk për disa muaj përpara se të rishfaqej në fillim të këtij viti.
Ai tani po apelon kërkesën e tij për azil, duke pretenduar se e vrau gruan e tij për vetëmbrojtje dhe se dëbimi do të rrezikonte jetën e tij.
Me mbështetjen e ndihmës juridike, ai pretendon se familja e gruas së tij do ta vrasë nëse ai shkel përsëri në Shqipëri.
Ai aktualisht jeton në një shtëpi me leje qëndrimi të kufizuar, e cila duhet të rinovohet çdo gjashtë muaj.
Ai nuk lejohet të punojë, por ndihmon në drejtimin e një lavazhi ku punëson rumunë emigrantë të paligjshëm.
Kur policia e arrestoi atë, ai mburrej me të kaluarën e tij kriminale.
Shqiptari konfirmoi se vrau gruan e tij, duke shtuar: “Bëra dhjetë vjet burg. Tashmë kam një problem të madh në Shqipëri. Nëse kthehem, familja e gruas sime dëshiron të më vrasë. Dua të qëndroj këtu sepse jam i frikësuar. Kam ardhur për një jetë të re. Unë jetoj në Northampton dhe kam një të dashur me një fëmijë.”
Mbërritjet me precedentë të rëndë kriminalë monitorohen nga shërbimi i sigurisë MI5 dhe agjenci të tjera të ndryshme si dhe nga Home Office.
VAZHDO TË LEXOSH MË TEPËR PËR TEMËN
“Shqipëria, një shtet i dështuar që drejtohet nga një qeveri e korruptuar”
“The Guardian” shkruan për emigracionin: Po përdoret për të turbulluar ujërat!
‘The Sun’: Shqiptarët japin oferta me ‘super-çmime’ për familjarët
