30.01.2023 - 12:38
Zinedin Zidan ka nisur të kërkojë një skuadër të re. Shpresat e tij ishin të merrte drejtimin e Francës. Por rinovimi i federatës franceze me trajnerin aktual Didie Deshamp deri në vitin 2026 ka bërë që Zizu të mendojë t’i kthehet përsëri stolit të ndonjë klubi.
Sipas mediave spanjolle dhe atyre franceze janë katër alternativa për ish-trajnerin e Realit të Madridit. Alternativa e parë është Paris SG-ja, edhe pse emërimi i Kristof Galtie është i freskët.
Shumë gjëra në fakt do të vendosen nga ecuria e parisienëve në Ligën e Kampioneve. Alternativa e dytë për Zidanin është Juventusi.
Opsioni i tretë edhe pse më i largët në dukje është Bajerni i Mynihut, teksa mundësia e fundit është një rikthim i mundshëm te Reali i Madridit.
