Gazetari investigativ Artan Hoxha është shprehur se skuadra që ka kryer atentatin te mbikalimi i Fushë-Krujës, ku mbeti i vrarë Brilant Martinaj dhe dy miqtë e tij, ka përdorur uniformat dhe mejtet e policisë për të realizuar “misionin”.
Komentet Hoxha i bëri teksa ishte i ftuar në emisionin “Në Shënjestër”, ku tha se autorët e vrasjes kanë nxjerrë më herët dy persona në rolin e policëve në rrugë, për të devijuar trafikun.
Ai shtoi se e njëjta skemë është përdorur edhe në atentatin ndaj Ylli Brahimit dhe sipas tij, atentate të tilla realizohen vetëm me mbështetjen e forcave të policisë.
“Ngjarja e 17 korrikut është një ngjarje shumë e rëndë me 3 të vrarë. Ka ndodhur në një aks ku gjithë Shqipëria e veriut dhe veriperëndimore e lindore kalon.
Nga të dhënat që kam marrë më rezulton se aty ka qenë një skuadër që del edhe te atentati i 22 korrikut në Milot ku ishte shënjestër Ylli Ibrahimi. E njëjta teknikë ka qenë edhe aty. Kanë nxjerrë dy persona si policë për të devijuar trafikun që të lirojnë rrugën. Miloti ka vetëm një hyrje dhe dalje, ata e kanë mbajtur rrugën për gjysmë ore. Të bësh diçka të tillë ata kanë pasur informata të sakta për lëvizjet e policisë përveç përdorimit të mjeteve si fenelinat, tabela apo uniforma të policisë. Të organizosh diçka të tillë nuk është e lehtë sepse lë gjurmë. Brilant Martinaj nuk ishte një objekt shumë i lehtë, as Ylli Ibrahimi. Kanë qenë atentate me kosto të mëdha, për marrjen e informacionit, për mjetet, etj.
Duke qenë se kemi të bëjmë me kundërshtarë të Ervis Martinajt, të dyja palët janë zbuluar të kenë kontakte me policinë edhe në Tiranë. Janë 2 ngjarje të lidhura, më rezulton e njëjta dorë. Ka ndodhur në një hark kohor të vogël, pa u bërë të shtatat e të parit. Akuza kryesore që ka pasur Ervis Martinaj është që ka korruptuar policinë, edhe kundërshtari ka ndjekur të njëjtën taktikë për t’iu afruar”, tha Hoxha.
VAZHDO TË LEXOSH MË TEPËR PËR TEMËN
Artan Hoxha zbërthen mesazhin e autorëve: S’do ketë më tolerim
Artan Hoxha reagon për vrasjet e fundit: Krimi i organizuar ka ndryshuar hierarki
Çfarë zbuloi policia për atentatin në Fushë Krujë
