Drejtori i përgjithshëm i Transportit Rrugor Blendi Gonxhe, ka folur lidhur me rritjen e çmimit të patentës në 85 mijë lekë të reja.
Ai sqaroi se programi është i njëjtë, teksa ka shtuar se rritja e çmimit nuk është bërë në fshehtësi dhe se synohet të realizohet një program.
Gonxhe tha se rritja e çmimit do të ndihmojë në rrimëkëmbjen e tregut, pasi sipas tij në këtë sektor janë 2 mijë profesionistë të cilët sipas tij marrin rrogë mizerabël.
Ndër të tjera drejtori i DPSHTRR tha se çmimi i ri do të ketë hyrë në fuqi para zgjedhjeve të 14 majit, por ende nuk ka një datë fikse.
“25 janë seanca të plota, 9 janë manovra të veçanta. Programi është i njëjtë. Të gjitha krahasimet e çmimeve dhe tarifave bëhen mbi baza ligjore. Situata nuk është kështu. Në rast se regjistrat janë të mbushur me firma, ne nuk kemi si e kapim kursin e pakryer. Në 2021 bëhen ndryshme në Kodin Rrugor.
I kemi dhënë një faqe të re lejeve të drejtimit. Nuk ka rritje sepse është rritur çmimi, por kërkohet sepse kërkohet të bëhet programi dhe kjo kërkon kosto. Çmimi që ka bërë bujë këto, nga ato 85, gati 20% paguhen dhe sot, pjesa tjetër i mbeten kursit”, tha ai për “News24”.
Pjesë nga biseda në studio:
Artur Sulçe: Ne e dimë se sa është niveli ekonomik dhe paga mesatare në Shqipëri. Dhe na zë 10.5 % të pagës mesatare të personave që janë në shtet flasim. Pra problemi që shtrohet ky diskutim i kostos që kanë llogaritur këta e marrin parasysh këto 10.5 %.
Blendi Gonxhe: Marrëveshja ndihmon që tregu të rimëkëmbët. 2 mijë veta janë të punësuar në këtë sektor dhe këta 2 mijë profesionistë përse duhet të marrin një rrogë mizerabël.
Kush do të jetë institucioni që do të kontrollojë punën?
Blendi Gonxhe: Jemi vetëprogamuar. Kemi menduar që ti shtojmë vetës tonë një aleat të rëndësishëm që është qytetarë. Do të ketë kontrolle po qytetari merr rolin e parë. Qytetari nuk shkonte në mësim sepse nuk paguante. Tani nuk është budalla që të paguajë dhe të shkojë në mësim.
VAZHDO TË LEXOSH MË TEPËR PËR TEMËN
Dy kategoritë e shoferëve që marrin pjesë në provim
Çfarë ndodh me kalimin e kolaudimit të makinave nga privati në shtet?
Gonxhe: Shkelësit e kolaudimeve dhe autoshkollave do mbajnë përgjegjësi
