27.02.2023 - 15:18
Mesfushorët e Interit janë vendosur në shënjestër të gjigantëve europianë dhe pas Marselo Brozoviçit, që ndiqet nga Real Madridi, Barcelona e Çelsi, edhe Nikolo Barela po monitorohet. m,vmv
Interesi i Liverpulit për italianin po shtohet ditë pas dite, me Klopin që e konsideron përforcimin e nevojshëm për t’i dhënë energji të reja dhe për të ringjallur “Të kuqtë”. Sipas medias angleze “BBC”, Barela është më shumë se një ide sporadike, me drejtuesit që kërkojnë të marrin informacionin e duhur nga homologët e tyre italianë.
Për Interin, Barela nuk është i pashitshëm dhe ka fiksuar tashmë 75 milionë eurot si çmimin e kartonit, me Frenk Kesinë, që mund të jetë pasuesi i italianit në Milano.
