jë lider ndarës që dështoi në bashkimin e demokratëve, kështu e konsideroi analisti Skënder Minxhozi, Sali Berishën sot në protestë para parlamentit.
“Berisha është një lider ndarës. Dështoi në projektin e afrimin e partive, nuk shëroi dot çarjen e thellë të 8 janarit në parti. Rezultati është kjo ecje e qetë e rrethuar nga truproja dhe jo nga 100 mijë vetë nga pas. E kam menduar që në 8 janar se Berisha nuk do krijonte një masë të tillë kritike që do mundësonte rrëzimin e Ramës” u shpreh Minxhozi, ndërsa komentoi edhe praninë e Metës një ditë më parë në SPAK.
“Politikanët na ngrenë një kurth të vogël edhe ne si media, që shkojnë në dyert e drejtësisë dhe bëjnë një ‘miting’, për të bërë një kundërpeshë për atë që janë thirrur aty brenda. Është një e drejtë e gjyqësorit të thërrasë edhe kur je më i pari i vendit dhe ti të ruash atë që quhet qasje normale ndaj procedurës.
Tre orë nuk rrihet kot në SPAK, kohëzgjatja ka një sens. Në dimë që ajo është ndër aferat më të koklavitura të shtetit shqiptar. Mënyra si janë mbledhur këto borxhe dhe marrëdhëniet korruptive që erdhi, dimë që kjo dosje është goxha e nxehtë. Ndëkohë në Shqipëri politikanët shpëtojnë me’nuk isha, nuk e dija’,
Ndërkohë SPAK duhet të ishte aktiv, dhe t’i mundësohej aksesi në të gjitha dosjet e mëdha. Që Meta të shkojë atje dhe të thotë s’ka ndodh asgjë, është një teatër para kamerave.
Meta është një politikan me dy pamje sa i përket qëndrimit në momente të vështira dhe decizive. E kam konsideruar një ndër njerëzit më të qetë në politikën shqiptare. Ndërkohë kur u zgjodh president, kemi një Metë krejt tjetër. Është një Ilir Meta aktualisht që nuk ngjan fare me atë Metë që luante me Nanon e ruante tonet, luante me Berishën dhe sërish ruante tonet.” vijoi Minxhozi.
VAZHDO TË LEXOSH MË TEPËR PËR TEMËN
Kur amerikanët s’kanë kohë të takojnë Ilir Metën
Kosova me Albinin e Vjosën, Shqipëria me Saliun e Ilirin
Deklaratat e Bashës zbulojnë falsitetin e (mos)hetimit të tij
