26.03.2023 - 13:41
Një trup i dekompozuar është gjetur në një zonë të pyllëzuar në fshatin Zborgje të Ndroqit.
Policia njoftoi se trupi i pajetë është i një 48-vjeçareje banuese në Tiranë, e cila dyshohet se vuante nga probleme të shëndetit mendor.
Nga këqyrja paraprake nuk janë konstatuar shenja dhune dhe paraprakisht dyshohet se vdekja e shtetases D.Dh ka ardhur nga shkaqe natyrale.
48-vjeçarja ishte shpallur në kërkim që prej 14 Marsit pasi familjarët e saj kishin bërë kallëzim për largim nga banesa. Grupi hetimor po punon për zbardhjen e rrethanave të ngjarjes.
