I dërguari i posaçëm i Bashkimit Evropian për dialogun Kosovë-Serbi, Miroslav Lajçak, ndodhet për një vizitë dyd ditore në Prishtinë.
Lajçak ndodhet në Kosovë për të diskutuar për takimin e rëndësishëm që do të mbahet më 18 mars në Ohër të Maqedonisë së Veriut.
Lajçak gjatë vizitës në Prishtinë pritet të takohet me krerët e institucioneve shtetërore dhe me ata të partive opozitare.
Vizita e Lajçakut në Prishtinë dhe Beograd vjen pas takimit të 27 shkurtit, kur kryeministri i Kosovës, Albin Kurti, dhe presidenti i Serbisë, Aleksandar Vuçiç, e pranuan planin evropian për normalizimin e raporteve. Bartësit e dialogut po ashtu u shprehën të gatshëm të punojnë në planin për zbatimin e këtij propozimi.
Rundi i ri i dialogut është caktuar të mbahet më 18 mars në Ohër të Maqedonisë së Veriut, dhe sipas BE-së, qëllimi kryesor tani është që palët të arrijnë pajtim rreth një plani si dhe të modaliteteve për zbatimin e propozimit evropian.
VAZHDO TË LEXOSH MË TEPËR PËR TEMËN
Nazarko: Kurti ka luajtur në mënyrë që duket inteligjente
Dialogu/ Brnabiç bisedë telefonike me Borrell dhe Lajçak
