“Qentë le të lehin, karvani ecën përpara”. Gerard Pique dhe Clara Chia Marti duket se tanimë nuk ndikohen aspak nga opinioni publik për lidhjen e tyre.
Jo vetëm kaq! Dyshja së bashku po ndërmarrin një hap shumë të rëndësishëm, për marrëdhënien e tyre.
Sipas programit ‘’Fiesta’’ ish-lojtari i Barcelonës dhe partnerja e tij do të martohen së shpejti.
Ky hap është shumë i madh për ish-futbollistin, i cili edhe pse në lidhje 11-vjeçare me Shakirën, nuk e mori një vendim të tillë.
Edhe pse në këtë situatë kishte gisht këngëtarja, e cila nuk ishte pro një dasme, siç e pranoi edhe në disa deklarata të së shkuarës.
“Më frikëson shumë. Nuk dua që ai të më shohë si grua, preferoj që ai të më shohë si të dashurën e tij”, është shprehur Shakira më parë.
Nga ana tjetër kujtojmë që Gerard Pique ka “zyrtarizuar” lidhjen e tij me Clara Chia Marti-n në rrjetet sociale. Ish-mbrojtësi i Barcelonës, ka publikuar foton e parë së bashku me të dashurën e tij në Instagram.
Çifti dukeshin pranë njëri-tjetrit, duke shënuar kështu daljen e tyre të parë së bashku para ndjekësve me dëshirën e tyre.
VAZHDO TË LEXOSH MË TEPËR PËR TEMËN
Taktika e Shakirës për t’i marrë fëmijët Pique
Festat e pandërprera të Shakirës shqetësojnë prindërit e Pique
Shakira ka pasur konflikte me partneret e miqve të Pique
