Reforma e pensioneve po diskutohej prej kohësh në Francë, duke shkaktuar protesta që po zgjasin prej disa javësh.
Por çfarë po propozohet konkretisht nga presidenti Emmanuel Macron? Mosha e daljes në pension do të rritet nga 62 në 64 nga viti 2030.
Për më tepër, punëtorët do të duhet të japin edhe kontribute shtesë në skemën kombëtare të pensioneve – nga viti 2027, ata do të duhet të punojnë 43 vjet, jo 42, për të marrë një pension të plotë. Mosha e daljes në pension do të rritet gradualisht me tre muaj në vit, duke nisur nga shtatori i këtij viti deri në kapjen e moshës 64 vjeç.
Reforma përfshin gjithashtu:
-Të ardhura minimale të garantuara nga pensioni jo më pak se 85% e pagës minimale neto, afërsisht 1,200 € (1,052 £) në muaj në nivelet aktuale, për pensionistët e rinj
– Oficerët e policisë, rojet e burgut, kontrollorët e trafikut ajror dhe punonjësit e tjerë publikë në punë që konsiderohen të vështira fizikisht ose mendërisht do të mbajnë të drejtën për të dalë në pension të parakohshëm
Qeveria thotë se reformat janë të nevojshme për të parandaluar një deficit të madh financiar në sistem në të ardhmen.
Punonjësit e sektorit publik, të cilët kanë vendosur t’i rezistojnë reformave të Macron, janë ndër ata që humbasin më shumë, me punëtorët e rinj që nuk kanë më të drejtë të përfitojnë nga regjimet speciale të pensioneve që u janë kontribuuar paraardhësve të tyre.
Personat në Asamblenë Kombëtare që kundërshtojnë projektligjin e pensioneve kanë më pak se 24 orë për të paraqitur një mocion mosbesimi. Nëse ky mocion refuzohet, plani i Macron për të rritur moshën e pensionit do të vazhdojë. Por nëse Asambleja Kombëtare voton në favor të mocionit, propozimet refuzohen dhe kabineti i Macron duhet të japë dorëheqjen.
Është e paqartë se kur mund të zhvillohet një votim mosbesimi, por nëse ndodh, pritet gjerësisht në fillim të javës së ardhshme.
Burimi: BBC
VAZHDO TË LEXOSH MË TEPËR PËR TEMËN
Franca sërish në kaos?!
Kapitull i ri për Presidentin Macron!
