UEFA ka përcaktuar gjyqtarin e ndeshjes së kthimit çerekfinale në Ligën e Kampioneve ndërmjet Çelsit dhe Realit të Madridit në Londër. Gjyqtari i caktuar për këtë ndeshje është italiani Daniele Orsato dhe në VAR do të jetë bashkëkombësi i tij Masimiliano Irrati.
Orsato është një emër i njohur për Realin, teksa e ka drejtuar shtatë herë në Ligën e Kampioneve me një bilanc prej tri fitoresh dhe katër humbjesh. Italiani e ka drejtuar Realin edhe në këtë sezon në fazën në grupe në humbjen 2-3 përballë Lajpcigut. Orsato ka drejtuar edhe më parë një takim mes Realit dhe Çelsit.
Ishte ndeshja e dytë e gjysmëfinales së Ligës së Kampioneve në sezonin 2020-’21 me skuadrën angleze që fitonte 2-0 kundër Realit të drejtuar nga Zinedin Zidan.
Nga ana tjetër Orsato ka arbitruar katër ndeshje për Çelsin në Champions League me një bilanc prej dy fitoresh, një barazim dhe një humbje. Çelsi ka fituar dy takimet e fundit me Orsaton në fushë dhe kurioz është fakti.
