Kryeministri Edi Rama ka ndarë në llogarinë e tij në rrjetet sociale një pasazh nga fjalimi i ish-presidentit të Kosovës, Hashim Thaçi, i cili ka dalë sot në gjyqin që po zhvillohet në Hagë për krerët e Ushtrisë Çlirimtare.
Duke ju referuar fjalëve të Thaçit sot, se tashmë është botërisht e ditur që në Kukës nuk ka pasur asnjë “Shtëpi të Verdhë” dhe se UÇK-ja nuk është përfshirë në trafik organesh, Rama shkruan se është Ushtria Çlirimtare e Kosovës nuk do të mundet nga padrejtësia.
“Sigurisht që po! Por prapëseprapë është aq e pagëlltitshme një çorbë kaq e shpifur, kur i sheh ata që e udhëhoqën luftën çlirimtare të një populli të shtypur egërsisht, të akuzohen si kriminelë lufte nga një organ i krijuar mbi bazën e fantazive të shthurrura me trafik organesh! Megjithatë UÇK nuk do të mundet nga padrejtësia”, shkruan Edi Rama, kryeministër i Shqipërisë.
VAZHDO TË LEXOSH MË TEPËR PËR TEMËN
“Haga” pa lidhje e Tiranës me Hagën e Holandës
Konfirmimi i aktakuzave/ Rama e Meta i shprehin mbështetjen Thaçit
Këshilli i Evropës mund të hartojë raport të ri për pretendimet e Dick Martyt
