Kongresi Amerikan ka zgjedhur sot emrin i cili do të zëvendësojë ambasadoren Yuri Kim në vendin tonë.
Mediat e huaja raportojnë se Kongresi Amerikan ka përzgjedhur, David J. Kostelancik i cili ka një karrierë të gjatë në fushën e diplomacisë.
Kostelancik ka shërbyer në Shqipëri edhe më përpara në periudhën 1992-1994, si përfaqësuesi i parë për çështjet politike dhe ekonomike në ambasadën e porsahapur amerikane në Tiranë. Para emërimit si ambasador, i shërbente si Këshilltar për Politikën e Jashtme i Shefit të Shtatmadhorisë amerikane, gjeneralit Mark Milley.
Kostelancik është një diplomat me një karrierë 30-vjeçare, ku ka shërbyer dy herë në Ambasadën amerikane në Moskë, në misionet e SHBA-së në OSBE dhe NATO, si edhe në Ankara të Turqisë.Diplomati Kostelancik, me origjinë nga shteti i Ilinoit, është diplomuar në Universitetin Northwestern të këtij shteti. Ai flet rusisht, hungarisht, shqip dhe turqisht.
VAZHDO TË LEXOSH MË TEPËR PËR TEMËN
Kush është David Kostelancik, njohës perfeksionist i gjuhës shqipe
“Përplasja” Yuri Kim-Rama/ Lubonja: Është fryrë si çështje
Yuri Kim largohet nga Shqipëria, komenti i Berishës
